Quanno màmmeta tt'ha fatta
Quanno màmmeta tt'ha fatta
Vuò sapè comme facette?
Vuò sapè comme facette?
Pè mpastà sti ccarne bbelle
Pè mpastà sti ccarne bbelle
Tutto cchello ca mettette?
Tutto cchello ca mettette?
Ciento rose n'cappucciate
Dint'a màrtula mmescate
Latte, rose, rose e latte
tte facette n'copp'o fatto!
Nun c'è bisogno a zingara
P'andivinà, cuncè
Comme tt'ha fatto màmmeta
o ssaccio meglio e tte!

E pè fà sta vocca bbella
E pè fà sta vocca bbella
Nun servette a stessa dose
Nun servette a stessa dose
Vuò sapè che nce mettette?
Vuò sapè che nce mettette?
Mo tte dico tuttecosa
Mo tte dico tuttecosa:
Nu panaro cchino, cchino
Tutt'e fravule e ciardino
Mèle, zuccaro e cannella:
tte mpastaje sta vocca bbella
Nun c'è bisogno a zingara
P'andivinà, cuncè
Comme tt'ha fatto màmmeta
o ssaccio meglio e tte

E pè fà sti ttrezze d'oro
E pè fà sti ttrezze d'oro
Mamma toja s'appezzentette
Mamma toja s'appezzentette
bbella mia, ttu qua muneta!?
bbella mia, ttu qua muneta!?
Vuò sapè che nce servette?
Vuò sapè che nce servette?
Na miniera sana sana
Tutta fatta a filagrana
Nce vulette pè sti ttrezze
Che, a vasà, nun ce sta prezzo
Nun c'è bisogno a zingara
P'andivinà, cuncè
Comme tt'ha fatto màmmeta
o ssaccio meglio e tte